Mother Bulak

Nakilala ko na din ang mga magulang ni Bulak. Nagpunta sila dito ngayon at tinignan nila ang magiging kubo nila. Tanaw kasi ito sa amin, so bago sila nagpunta doon, dito muna sila tumuloy.

Kadadating lang ng nanay ni Bulak galing Bacolod. Pag dating dito may dala silang danggit, kaimito, at mangga. Dala ito ng bunso nila, si Baby Bulak. Kitang kita so sa mata ni Kulas na tuwang-tuwa siya. Di dahil nakilala din niya si Mother Bulak pero dahil natakam siya doon sa danggit na dala.

Ang kubo na nabili ni Bulak ay i-re-remodel pa. Malaking trabaho pa ang gagawin doon. Para wag madismaya si Father Bulak, ipinakita muna namin ang kalalabasan ng kanilang kubo. Ayaw din naman namin matawag nilang baliw ang kanilang anak dahil bumili ng ganoon kubo. Mahirap na, baka akalain kasalanan pa namin kaya naging ganoon ang anak nila. Mabuti naman at hindi sila nagwala.

Itong pang si Bulak, ubod talaga ng friendly. Biro mo, kakikilala lang niya sa kanilang magiging kapit-kubo, aba, nakapasok na ng bahay at kinilatis na ang pinagawa ng neighbor niya. Kung sabagay, inawa naman siya sa loob. Iba talaga ang PR nitong babaing ito.

Hindi ko alam kung ano ang reaksyon ng mga magulang ni Bulak. Itatanong ko pa ito sa kanya. Pero sana, nagustuhan nila at masaya sila.

Kulasa: Ang cool ni Mother Bulak ano?
Kulas: Sus, tinawag ka lang mestiza natuwa ka na.
Kulasa: Ano naman masama doon?

Kulas: Excuse me, 'no, eh mas maputi naman ako sa iyo.
Kulasa: Oo, mas maputi yan tiyan mo.

Kulas: Ano ka? Sino ba mas matanggos ang ilong?
Kulasa: Hoy, di 'yan mataggos, malaki oo.
Kulas: Che, inggit ka lang.

Kulasa: Ngyek, kaya pala malakas ka umatsing.
Kulas: Sira, feel na feel ko lang kaya ganoon.

Kulasa: Ewan.
Kulas: Bakit, sabi din naman ni Mother Bulak mestizo din ako.

Kulasa: Sabihin mo nahiya lang 'yon.
Kulas: Ano ka.
Kulasa: Talaga naman, mapula ka eh.

Kulas: I have a tan.
Kulasa: Tan, tan, tantanan mo nga ako!

Nagpaiwan dito si Bulak at dito naghapunan. Yung magulang niya at kapatid umuwi ng maaga. Birthday pala ni Father Bulak bukas kaya ipagluluto pa siya ni Mother Bulak. Sweet 'no.