Valentine's Dinner

Sa bahay lang nga kami nag-celebrate ng Valentine's day. Nothing special. Birthday kasi ng tatay ni Kulas last Sunday. Tulad ng dati, mayroon kaming pabaon. Kaya naman di man kami kumain sa labas, masarap ang ulam namin. May lechon, may chicken galantina, may morcon. Aba, di na kami napagod sa pagluto.

Napagod naman kami sa paglinis. Kasi naman, kahit ilan beses mong walisan ang bahay, parang kabuti ang alikabok! Di ko naman binalak pakintabin ang sahig 'ano. Basta punas-punas lang, lampaso, at walis - mabawasan lang ang dumi. Kaso, di pa naman tapos ang pagagawa dito, kaya di namin sinayang ang aming strength.

Nag celebrate naman kami ng Valentine's dinner ngayon gabi. Pinalagpas lang namin ang 15th. Yung iba kasi, hindi nga lumabas ng Valentine, inintay naman ang sweldo. Tuloy ngayon gabi, libre-libre at di masyadong maraming tao.

Dahil may usapan kami ni Kulas kung saan hindi kakain, medyo madali kaming naka pag decide kung saan kami pupunta (siyempre konting pretend na nagisip ako ano). Pag dating namin sa may ATC, tinakam ko si Kulas. Malawak talaga ang imagination niya. Konting kiliti lang sa kanyang pagiisip natakam na talaga.

Nagpunta kami sa Mingoy's. Ayun, di na kailangan buksan ni Kulas ang menu at alam na niya kung ano ang gusto niya. Ako naman medyo nagtaggal, kasi naman talagang lahat parang gusto kong kainin. Umuwi kaming busog na busog, at si Kulas... he he he lumipis ang wallet!

Kulasa: Ano, eat tayo ngayon sa labas?
Kulas: Oo ba, teka may usapan tayo.
Kulasa: Alam ko, no need to remind me.
Kulas: My choice 'di ba?
Kulasa: Sige, saan?
Kulas: Saan nga ba?

Kulasa: Gusto mo Mingoy's?
Kulas: Bakit doon?
Kulasa: 'Di ba hindi Japanese, Chinese, o Italian?

Kulas: Hmmmmm.
Kulasa: Sarap o, steak, fillet mignon. Medium well.
Kulas: He he he. (Sus, nanlaki ang mga mata)
Kulasa: Tapos may garlic rice at yung carrots na malutong.
Kulas: Sige na nga! (Ayos!)

Kulasa: Tapos, may mashed potatoes pa.
Kulas: Oo na sabi!
Kulasa: Yey, don't forget, your treat!
Kulas: Oo na.

Kulasa: Ano kaya oordering ko?.
Kulas: Naka, eto nanaman po tayo.
Kulasa: Bakit ba. Paella kaya?
Kulas: Huuu, alam mo naman di mo mauubos 'yon.
Kulasa: At least maiuuwi ko yung tira ano!

Kulas: Pwede ba mag-decide ka na.
Kulasa: Gusto ko din yung Oysters, Espinacas.
Kulas: Ay naku.
Kulasa: O kaya, lengua.
Kulas: Fish nalang kaya.
Kulasa: Ayoko nga, gusto ko yung hindi ko kayang lutuin sa bahay.

Kulas: Kare-kare, he he he.
Kulasa: Sira!
Kulas: O kaya hanap ka ng laing.
Kulasa: Subukan mo lang matganong, iiwan kita. Kakahiya ka.
Kulas: 'Kaw naman masyado kang serious.

Buti nalang at hindi nagtanong si Kulas na kung ano-ano. Subukan lang niya, talagang mag wa-walkout ako!